Poiema February 19, 2023 | Voluime V | Issue 02

CONTENTS

• Editorial

• Sermon

• News

• Kohhran Programme
• Preaching List
• Zaihruai, sound i/c, ushers
• Zing Tawngtai Hruaitu
• Pangpar Khawi

• TKP Programme

• KNP Programme

• BKHP Programme

• BMP Programme

• Kumpuan Pual
• Sunna

 Editorial 

TKP huanga kan thil sawi zin leh kan tawngkam hman lar ber chu ‘Krista leh Kohhran Tan’ tih hi a ni hial ang. Thutiamah kan sawi rual a, slogan ang atan kan hmang a, kan lam ri deuh chhen a ni. Chutih mek lai chuan ngun zawkin kan chhut ngai em le?

Pathian hian tih tur dang a hriat tawh loh lutuk vang emaw, a kuthlei satliah vang emawin mihring hi a siam ngawt lo a, chhan neiin a siam zawk a ni. Chu a siam chhan chu kawng hrang hrangin sawi theih mah se a khaikhawm thei ber chu ’Ama tan a siam’ tih hi a ni ang.

Khawvela mihring kan lo awm ve ngawt chhan, kan lo pian ve hlawl chhan hi eng dang vang ni loin Pathian ta ni turin a ni a, kan nun pumpui hi a tan a ni tur a lo ni.

Kohhrana kan inhman te, kan rawngbawlna, heng kan inkhawm, kan fellowship, kan hnatlang thawh, kan hlazir etc zawng zawng hi mihring tan anga kan tih a, keimahni lansarh vena tur, kan hmingthatna tur ang atan tea kan ti a nih chuan tlin loh chin, peih loh chin kan nei thuaiin a rinawm.

Mahse, chung chu a chhan dik tak tur, Krista Tan han ni thung se la chuan awmzia a neiin a va thawk hlawk dawn em. Rawngbawlna piah lamah kan zirna te, kan hna te, kan nitin nun hi Krista leh Kohhran Tan ti chung zela hman han ni thei se la a va tha dawn em.

 Sermon 

Fapa Tlan Bo Lo Zawk

-C. Vanlalruata Nuntluang

Evangelist Teacher

Hermon Comprehensive High School

Nghalimlui, Bru Mission

Lal Isua tehkhin thu lar tak ‘Fapa Tlan bo’ thu (Luka 15: 11 – 32)a a tlan bo lo zawk, fapa upa zawk hi Lal Isuan he thu a sawi laia ‘Pharisai leh lehkha ziaktute chungchang sawina a ni’ an ti thin a. Tunlai atan chuan ringtu, kohhrana rawngbawl mekte chanchin a ni kan ti thei ang. Zac Poonan pawhin a lehkhabu Beauty For Ashes’ ah‚ 'Fapa tlan bo thu a, a fapa upa zawk hi Kristian rawngbawltute chungchang sawina a ni a,' tiin ring-tu, thahnemngai taka rawngbawl mekte tana inenfiahna tur tha tak tak a ziak a ni.

A rochan ai laa a nau a tlan bo lai pawhin ani chu a pa hnenah a awm a, a pa tan rinawm takin a thawk a, a pa rawng a bawl a, a pa a chawimawi thin. Chuti taka fapa fel leh a pa tana rinawm chu ni mah se, a nunah leh a pa rawng a bawlsak danah chuan dik lo leh felhlel deuh a lo awm ve nual mai a, chung zinga thenkhatte chu ka han sawi ve teh ang.

1. Mahni Tana Thawk / Mahni Hmasial

Fapa u zawk kha mi taima tak, hna thawk mi a ni a, a lo lanna hma-sa berah pawh hna thawhna hmun(lo)ah a awm a nih kha. A nauin sum tam tak a tlan bopui lai pawhin ani chu a pa bulah a awm a, apa tan hna a thawk reng a ni.

A thil tum ber chu hna thawh hmanga a pa tihlawm kha a ni a, chu chu a pa rawng a bawlnaah a ngai a, rinawm takin a pa tan a thawk niin a ngaih theih. A nauin a chan ai laa a chhuahsan hnu phei chuan engkim chu a ta la ni vek tur leh a pa ro chu a hui vek turah ngaiin thahnem a ngai zual sauh ngei ang.

A nau, rei tak bo tawh, sum tam tak nena chhuak ta kha engmah nei lo leh kehsawm vekin a lo haw a, a lawm thei ta reng reng lo. A nau bo kha a lo haw a, lawm viau tur a ni si a. Mahse, a lawm thei tlat lo. Lo lawm tak aruangin, a thinur tlat. In chhungah pawh lut duh loin pawnah a insawh tau nghawng nghawng a nih kha.

Hetah hian a nihna dik tak a lo lang chhuak ta a ni, a pa tana thawk ni lovin, ama tan, ama hlawkna atan, engkim chu a ta tura a ngaih avangin a lo thawk mai a lo ni a. 'Mi taima leh rinawm tak a ni… Mahse, hmangaihna avanga thawkrim erawh a ni lo' tiin Warren W. Wiersbe chuan a sawi a, hei hi thil awm thei tak a ni. A thawhrimna leh a pa rawng a bawlna zawng zawng chu a pa a hmangaihna vang a lo ni reng reng lo. Amah a inhmangaih vang leh a hlawkna tur a duh vang lek a lo ni. Chu chuan FEL nih a hlawhtir a, zahawmna a siamsak tel bawk ang.

A thawh chhuah te rawn chuhpui thei tur a nau a lo haw khan a nihna dik tak, mahni hmasial leh mahni tana hna thawk mai mai a lo nihzia a lang ta a ni. Tisa thila a hlawk avang te, mi ngaiha a zahawm avang leh a ropui avang te a, Pathian tana thawk a, Pathian tana rawngbawl tur kan ni lo. Rawng kan bawl chhan hi Pathian hmangaihna vang lo ni zawk rawh se.

2. Unaute Vei Lo Rawngbawltu

Pathian chuan fa pahnih min nei a, Pakhat zawk chu fapa tlan bo ang hi an ni a. Pathian ngaihsak lo leh Pathian hlatin an hun an hmang a, an tisa chakna leh duh zawng te an um a. A upa zawk chu keini rawngbawl mekte hi kan ni. Fapa naupang zawk a pa hnen atanga a tlan bo lai khan a u zawk chu a pa bulah a awm a, a pa tan hna a thawk a. Rim takin a thawk a, a theihtawp a chhuah thin. Chutiang chiah chuan keini pawh Pathian bulah kan awm a, kan inkhawm a, kan phak tawk leh remchan dan ang zelin, kohhran leh rawngbawlna kawng hrang hrangah kan buaiin kan tul a, kan tang a, kan theihtawp kan chhuah a ni.

Nimahsela, fapa tlan bo lo zawk chuan a nau tlan bo ta kha a vei lo reng reng a, a ngai reng reng lo. Hun rei tak a bo hnuah a rawn kir leh pawhin, a lawm ve lo. A thik hial zawk a ni. A pa tan a theihtawp chhuahin hna a thawk thin a. A hna thawh avang leh a rawng a bawlsak avang chuan a pa pawh a tilawm niin a inhria a, a ngaih a tha a, a lung a awi ringawt niin a lang. Mahse, a pa lawmna ber a lo hre reng reng lo. A pa chuan a fapa tlan bo zawk kha a ngaihtuah reng a, a lo kir a, a lo haw hun nghakhlel takin a thlir a ni tih reng reng a ngaihtuah phak lo.

A pa tana hna thawk a, sum tam tak thawk chhuak a, a pa ram leh a in leh lo te tha taka a enkawl khan, a pa chu a tihlim a, a lungawi ta emaw a ti a. Mahse, a pa lawmna ber leh duhthusam ber chu a fapa tlan bo ta hruaikir leh kha a ni si. Kei pawh hi fapa upa zawk ang hi ka ni. Pathian rawngbawl ka inti a, kohhrana ka tih tur leh ka rawngbawlnaah theihtawp ka chhuah a, Pathian chu ka lakah a lawmin, a lungawi mai turah ka lo ngai thin. Ka thla a lo muang mai thin. Ka unau bo ta te, Pathian la nei ve lote, chhandamna la chang lote hi ka lo ngai ngai lo reng reng.

Kohhran leh a chhungah kan buai a, kan thawkrim em em a. A nuam kan ti a, kan thlarau nun pawhin a hlawkpuiin kan hria a, Pathian nen kan inkar pawh dik leh fel riauin kan hre thin. Kan hlima kan lung a awi ringawt \hin em? Mahni unau bo tate vei lo leh ngai miah loin hun kan lo hmang ve reng thin ang a?

 News 

KOHHRAN HNATLANG

February 14, 2023(Thawhlehni) zan khan kohhran hnatlang thawh a ni a, kohhran member 35 lai an thawk. Kohhran hnatlangah hian Biak In hnuai sakna tur brick thiar a ni a, Biak In kawta brick chu hmanna hmun turah thiar thlak zawh vek a ni. Thahnem ngai taka kohhran hnatlang thawktu zawng zawng chungah kohhran committee a lawm hle a ni.

MTKP ROREL KAL

Kar liam ta, Zirtawpni, February 17, 2023 khan BCM Biak In, Tuipui D-ah MTKP Rorel tluang taka neih a ni a. Rorelah hian Unit TKP aiawhin Unit President Rbt R. Vanlalruata chu a palai a, kan Unit member Rbt R. Laldinpuia, Bial TKP Secretary chu Bial aiawhin a palai bawk.

KUMPUAN HAWN

February 6, 2023(Thawh\anni) zan TKP inkhawmah kum 2023 atana Unit TKP-in kumpuana a neih, ‘Bible Chhiar Uar Kum’ chu Senior Adviser Rbt Sairengpuia Sailo-in a hawng. Kumpuan hawnna atan hian Media Cell chuan video hmuhnawm tak an buatsaih bawk. Kumpuan hlawhtlin nan Bible chhiar uar turin TKP memberte kan insawm a ni.

RETREAT TEL

February 11, 2023(Inrinni) khan Bial TKP Rorel 2022-in alo rel tawh angin Bial hruaitute(OB & ECM) leh Unit OB te intuai tharna BCM Biak In, Hlimenah neih a ni a. Kan Unit atang pawhin Unit OB leh Bial hruaitu 5 an tel thei a, hun hlawkthlak tak an hmang.

BIAL BKHP TAWNGTAI

February 20, 2023(Thawh\anni) khian Bial BKHP chuan kan Biak Inah Bial huap tawngtai hona an nei dawn a, Unit BKHP member zawng zawng tel vek turin an insawm a ni.

 Kohhran Programme 

Preaching List

Inkhawm Hruaitu  

• Upa T. Zohmingliana

Deacon                      

• Rbt Lalrothanga

 
18.02.23(Sat) zan      

• Rbt Samuel J. Laltlanzaua

19.02.23(Sun) zing    

• Rbt F. Lalneihsanga

19.02.23(Sun) zan      

• Upa H. Lalhmingthanga

 
25.02.23(Sat) zan        

• Rbt Sairengpuia Sailo

26.02.23(Sun) zing     

• Rbt C. Laltanpuia

26.02.23(Sun) zan 

• Rbt F. Lalramchuana

04.03.23(Sat) zan

• Rbt K. Lalduhzuala

Chanvo Neitute

Khuangpu   

• Rbt C. Laltanpuia
• Rbt R. Vanlalruata

Piano                      

• Tv H. Lalrozama

Drums      

• Tv Lalmalsawma

Bass Guitar   

• Nl Ngurbiakliani

Hlahriltu      

• Nl Rodintluangi
• Nl Jessica Lalthlamuanpuii

Soun i/c      

• Pu F. Lalrinkima
• Pu C. Liankhuma

Ushers      

• Pu B. Liansangpuia 
• Nl F. Lalhmingmawii
• Nl Ruthi Lalhmingropuii
• Nl Hmingthantluangi
• Tv Vanlalthupuia
• Tv Zorempuia

Zing Tawngtai Hruaitu

20.02.23(Mon)

• Upa T. Lalramzauva

21.02.23(Tue) 

• Rbt F. Lalneihsanga

22.02.23(Wed)             

• Nl Hmingthantluangi

23.02.23(Thu)                

• Pi PC Lalthanruali

24.02.23(Fri)                  

• Rbt R. Lalrinzuala

25.02.23(Sat)                 

• Rbt C. Lal\anpuia

26.02.23(Sun)                

• Upa H. Lalhmingthanga

27.02.23(Mon)             

• Upa T. Zohmingliana

28.02.23(Tue) 

• Rbt C. Vanlalzawma

01.03.23(Wed) 

• Pi Angellie Lalinmawii

02.03.23(Thu) 

• Pi Lallianzami Sailo

03.03.23(Fri) 

• Rbt Lalrothanga

04.03.23(Sat) 

• Pi PC Lalthanruali

05.03.23(Sun) 

• Upa T. Lalramzauva

Pangpar Khawitu

19.02.23(Sun)                

• Pi Lalrindiki
• Pi R. Lalduhawmi

26.02.23(Sun)               

• Pi Saisangpuii Sailo
• Pi Lalngaihzuali

 TKP Programme 

Tawngtai

February 19, 2023 (Pathianni) zan

A hmun           

• BCM Biak In, NSC

A hun                

• Inkhawm ban

Hruaitu            

• Rbt R. Vanlalruata

Chawnghei Tawngtai

March 5, 2023 (Pathianni)

A hmun           

• BCM Biak In, NSC

A hun                

• 6:00 pm

Hruaitu            

• Tv Lalmalsawma

Unit Intlawh Thelh : Shalom Unit Tlawh

March 6, 2023 (Thawhtanni)

A hmun  

• BCM Biak In, Shalom

A hun 

• Dar 7:00pm

Unit inkhawm pangngai awm lovin Bial |KP Programme, Unit Intlawh Thleh neih tur a ni a, kan Unit |KP chuan Shalom Unit tlawh tur a ni ang. Shalom Unit tlawh hunah hian Unit |KP member zawng zawng chu kal tura beisei kan ni. Programme kimchang chu Issue lehah tarlan a ni ang.

 KNP Programme 

KNP INKHAWM

February 26, 2023 (Pathianni)

A hmun  

• BCM Biak In, NSC

A hun 

• Dar 6:45 am

Hruaitu 

• Linda Lalduhawmi

Tantu

• Bertha Malsawmsangi

Hla Thlantu 

• Zorintluanga Ralte

Thawhlawm khawntu

• Zosangpuii

Thawhlawm hlantu

• Eric Vanlalruata

Special Item

• Sarah Malsawmkimi

Church Etiquette Inzirtirna

• Rbt F. Lalramchuana

 BKHP Programme 

Thuzir Inkhawm

February 26, 2023(Pathianni)

A hmun  

• BCM Biak In, NSC

A hun 

• Sunday School ban

Hruaitu 

• Pi Lallianzami Sailo

Zirtirtu

• Pi K. Lalduhawmi(Zirlai 1)

Thawhlawm khawntu & hlantu

• Pi Ngurbiakkimi

 BMP Programme 

BMP Programme

February 20, 2023(Thawhtanni)

A hmun  

• BCM Biak In, NSC

A hun 

• Dar 7:00 pm

Hruaitu 

• Pu Robinson N. Chungnunga

Thuchah

• Rbt Samuel J. Laltlanzaua

Thawhlawm 

• Rbt C. Vanlalzawma

Khuangpu 

• Rbt R. Lalrinzuala

 Kumpuan Pual 

Kuminah ni 306 a la awm a, ni tin bung 4 vel chhiarin, hahdam takin Bible a chhiar chhuah hman dawn. Nitin 10 mins chhiar ila kan chhiar zo thei ang!

Sunna 

Pu C. Laldinthara (64)

February 15, 2023(Thawhlehni) zing dar 4 khan kan kohhran member Pu C. Laldinthara chuan asthma natna avangin chatuan ram min pansan a, February 15 khan a lei taksa vui liam a lo ni ta. Hetia kan kohhran member-in min boralsan hi Poiema Editorial Board chuan pawi kan tiin uiawm kan ti takzet a, a kalsan tak a chhungte Lalpa’n awmpuiin thlamuan zel rawh se.

Edited and published by R. Laldinpuia on behalf of Thalai Kristian Pawl New Secretariat Complex Unit, Aizawl, Mizoram