Poiema February 5, 2023 | Volume V | Issue 01

CONTENTS

• Editorial

• Sermon

• News

• Kohhran Programme
• Preaching List
• Zaihruai, sound i/c, ushers
• Zing Tawngtai Hruaitu
• Pangpar Khawi

• 3 Para Bible Study

• TKP Programme

• KNP Programme

• BKHP Programme

• BMP Programme

• Quotes 

 Editorial 

Poiema chhiartu zawng zawngte kum thar chibai vek u le.

Kum 2023-ah hian TKP chanchinbu Poiema pawhin kum 5 a lo tling ve dawn ta a. Unit te tak tein chanchinbu mumal tak kan nei thei hi a lawmawm hle a, zuih ral mai loa kum 5-na hmel a han hmu thei pawh hi Pathian hruaina vang chauh a ni.

Kuminah hian hian kan hruaitu hmasate hnung zuiin Poiema pawh mumal taka chhuah chhoh ve leh kan tum ang a. Chumi atan chuan in mi tawngtaipuina te, in fuihna leh zilhna te kan mamawh hle dawn a ni.

Unit TKP chanchinbu ni mah se Kohhran pum huapzo thei tur ang bera kal kan tum dawn a, chumi kawngah chuan Fellowship Department hrang hrangte puihna leh tawiawmna pawh kan mamawh hle ang. He chanchinbu hi inti neitu taka min chhiarsak leh min thlirsak thin turin kan sawm bawk che u a ni.

A tawp berah chuan he kum thar hian hlimna leh malsawmna thlen che u rawh se.

 Sermon 

Thlaraua Than Len

-Rbt R. Vanlalruata

President

TKP New Secretariat Complex Unit

‘A hun ngaihtuah zawngin zirtirtu ni tawh hial awm in ni na a, Pathian thu bul ber, a aw b, te chu zirtir in ngai leh ta a, chaw rum ni lova hnute la ngai mi ang in lo nih tak hi. Hnute ring apiang chuan felna thuah hian hriatna an nei si lo, nausen an nih avangin.’ (Hebrai 5:12-13)

Keini, Thalai Kristian Pawl New Secretariat Complex Unit te chuan kumin kumpuan atan ‘Bible chhiar uar kum’ tih thupui kan lo thlang leh ta a. Pathian thu chhiar tam hian ringtu nun kawngah kawngro a su thui hle mai.

TKP member hi a tam ber chu Kristian chhungkuaa sei lian, tet te atanga Kohhran leh Sunday Schoola enkawlna lo dawng tawh thin kan ni hlawm a. Pathiana piantharna kan dawnna pawh hun eng emaw ti chen a ni tawh hlawm ngeiin a rinawm. Amaherawhchu, ringtu nun kawng kan zawhnaah hian puitling tawh tia inchhal hi a har em em a, a tu a mah hi ringtu puitling tia inchhal ngam pawh hi kan awm meuh awm lo e. 

A chunga kan Bible chang tar lan hi AD 60-na bawr vela ziak niin ngaih a ni a. A ziaktu tak hi hriat chian har viau mah se Tirhkoh Paula ziah tho nia ngai an tam viau. Thil chiang tak erawh chu he lehkhathawn ziah a nih lai hian Hebrai mite hi hun eng emaw chen Kristian an lo ni tawh a, mahse, tihduhdahna leh chhan hrang hrang avangin an rinna an lo kalsan leh ta hlawm a. Chung kara ringtu chak lo tak takte fuih thar tura ziah a ni.

Hebrai mite hi rinna kawngah  an thang lian mawh hle a, lehkhathawn ziaktu pawh hian a vei hle tih a hriat theih a. Chanchintha an dawn hun ngaihtuah chuan zirtirtu ni tawh hial awm si kha a bul atanga Pathian thua chawm that leh fo an ngai tlat mai a ni.

Keini pawh hi han inen chiang ila Hebrai mite ang deuh hi kan ni fur hian a rinawm. Pathian thua chawm sei len ni si hi kan thlarau nun hian hma a sawn mawh khawp thin mai. Pathianin min beisei dan, mi dangte tana rah chhuah tur leh mi dangte zirtirtu ni tawh tura beiseite hi an beisei kan phak lo hlein a rinawm.

Pathianin min beisei dan, ringtu puitling ni tura kan mamawh ber chu eng dang ni lovin thlarau chaw ‘Pathian thu’ hi a ni. Pathian thu hi kan buaipui loh a, kan zir ngai loh a, kan nunpui ngai loh chuan engtikah mah rah chhuah tur kan nei lo ang. Chuvangin, kumin chu kumpuan atan ‘Bible chhiar uar kum’ tih kan han nei ta bawk a, thlaraua kan than len phah hialna tur khawpin Pathian thu hi han buaipui ila, zir chiang ila, chhiar tam ila, nunpui theuh  i tum ang u.

Isua Baibul a tha e,

Pathian thilpek a ni e;

Thiha thawhlehna a hril e,

Nunna thu a ni e.

 

Aw Baibul, aw Baibul,

Ka ngai, ka thlahlel em e;

Aw Baibul, aw Baibul,

Pathian Lehkhabu hi.

 News 

INHLAN THAR INKHAWM

January 23, 2023(Thawhtanni) zan khan kum 2023 atana TKP inkhawm hmasa ber, Inhlan Thar        Inkhawm neih a ni.

Inhlan thar inkhawmah hian member hmeichhia 15 leh mipa 12 bakah Senior Adviser 1 inkhawmin Aizawl Area TKP OB 2-in min telpui bawk.

Rbt C. Laltanpuia, Unit Vice President-in inkhawm hi a hruai a, Nl Ruth Zothantluangi, Finance Secretary-in Bible chhiar leh tawngtai hun hmangin Tv Vanlalthupuia hnen atangin zai ngaihnawm tak ngaihthlak a ni a, Nl Esther Lalhriatzuali’n thawhlawm a khawn.

Unit TKP Senior Adviser Rbt K. Lalduhzuala’n inhlan tharna hun a kaihruai a, Unit TKP President Rbt R. Vanlalruata hnen atangina ’Lawm Chungin Lalpa Rawngbawl Ula’ tih sermon ngaihnawm tak ngaihthlak a ni.

BOOKMARK SEM

Unit Evangelical Cell te chuan kum 2023 annual plan bawhzuina atan January 29 (Pathianni) zing inkhawm ban khan kohhran inkhawm zawng zawng hnenah bookmark an sem. Evangelical Cell te hian annual plan hrang hrang neiin rawngbawl chhoh an tum.

MTKP ROREL KAL DAWN

February 17, 2023(Zirtawpni) khian BCM Biak In, Tuipui D-ah MTKP Rorel neih a ni dawn a, he rorelah hian kan Unit aiawhin Unit President Rbt R. Vanlalruata chu a kal dawn a ni.

GROUP THEN

Kumin atan TKP te group hnih Davida Group leh Josefa Group-ah inthen a ni a, group hruaitute chu:

Davida Group

Leader: Tv H. Lalthansanga

Secretary: Tv V. Lalramnunpuia

Treasurer: Nl Jessica Lalthlamuanpuii

Josefa Group

Leader: Tv Zorempuia

Secretary: Tv F. Lalhruaitluanga

Treasurer: Nl Rodintluangi

HRUAITU RETREAT

February 11, 2023(Inrinni) khian Bial TKP Rorel 2022-in a lo rel tawh angin Bial hruaitute(OB & ECM) leh Unit OB te retreat BCM Biak In, Hlimenah neih a ni dawn a. He hunah hian kan Unit OB te pawh kal kim tumin an inbuatsaih mek.

MBMP INKHAWMPUI

February 10-12, 2023 khian Mizoram BMP Inkhawmpui, Hnahthialah neih a ni dawn a, kan Unit BMP te pawh kal turin an inbuatsaih mek. 

 Kohhran Programme 

Preaching List

Inkhawm Hruaitu  

• Upa T. Zohmingliana

Deacon                      

• Rbt Lalrothanga

 
04.02.23(Sat) zan      

• Rbt V. Lalrinthanga

05.02.23(Sun) zing    

• Upa Remlalsiama

05.02.23(Sun) zan      

• Rbt R. Lalrinzuala

 
11.02.23(Sat) zan        

• Rbt R. Laldinpuia

12.02.23(Sun) zing     

• Upa T. Lalramzauva

12.02.23(Sun) zan 

• Rbt R. Vanlalruata

18.02.23(Sat) zan

• Rbt Samuel J. Laltlanzaua

Chanvo Neitute

Khuangpu   

• Rbt C. Laltanpuia
• Rbt R. Vanlalruata

Piano                      

• Tv H. Lalrozama

Drums      

• Tv Lalmalsawma

Bass Guitar   

• Nl Ngurbiakliani

Hlahriltu      

• Nl Rodintluangi
• Nl Jessica Lalthlamuanpuii

Soun i/c      

• Pu F. Lalrinkima
• Pu C. Liankhuma

Ushers      

• Pu B. Liansangpuia 
• Nl F. Lalhmingmawii
• Nl Ruthi Lalhmingropuii
• Nl Hmingthantluangi
• Tv Vanlalthupuia
• Tv Zorempuia

Zing Tawngtai Hruaitu

06.02.23(Mon)

• Upa T. Zohmingliana

07.02.23(Tue) 

• Pi Angellie Lalinmawii

08.02.23(Wed)             

• Pu Lalawmpuia

09.02.23(Thu)                

• Pi PC Lalthanruali

10.02.23(Fri)                  

• Rbt F. Lalramchuana

11.02.23(Sat)                 

• Pi Lallianzami Sailo

12.02.23(Sun)                

• Upa T. Lalramzauva

13.02.23(Mon)             

• Rbt K. Lalduhzuala

14.02.23(Tue) 

• Rbt V. Lalrinthanga

15.02.23(Wed) 

• Pi K. Lalduhawmi

16.02.23(Thu) 

• Rbt Sairengpuia Sailo

17.02.23(Fri) 

• Pi PC Lalthanruali

18.02.23(Sat) 

• Pi Lallianzami Sailo

05.02.23(Sun) 

• Upa T. Zohmingliana

Pangpar Khawitu

05.02.23(Sun)                

• Pi Angellie Lalinmawii
• Pi Rohmingliani

12.02.23(Sun)               

• Pi Lalthanmawii
• Pi Debory Lalparmawii

 3 Para Bible Study 

‘Diabola ngamthlemnate chu in do zawh nan Pathian ralthuam famkimin inthuam rawh u’ (Ephesi 6:11)

Ephesi khuaa mite hnena Tirhkoh Paula lehkhathawn kan tih hi Rom khuaa Puala khung beh(House arrest) a nih lai, AD 60-61 vela a ziah a ni a. Heng hun lai hian Kolossa khua leh Philemona hnenah lehkhathawn a ziak bawk a, heng lehkhathawn pathum hi Onesima leh a thianpa Tychicus te a kentir a ni.

Ephesi 6:11-a ‘Pathian ralthuam famkim’ tih hi  a hunlaia sipaiho inthuam dan metaphor a ni. Ralthuam famkim tih hian awmphaw chauh emaw, ngunhnam chauh emaw ni loin indo tura inthuamna zawng zawng a kawk a. Pathian ralthuam tih hian indo tura Pathian inthuamna chiah chiah lam ni loin Pathianin ralthuam famkim a pek zawk sawina a ni. ‘Diabola ngamthlemna’ tih chu indo thiam takin a hmelmate hnehna tura a ruahmanna, a ral rel dan (war plan) sawina a ni.

Diabola’n a hmelma ringtute a hneh theih nana a game plan pui lutuk chu mihring ringawt chuan hneh rual a ni lo a, hneh thei turin mihring chakna leh mihring ralthuam satliah ni loin Pathianin min chhawpsak ralthuam chu a thenkhat chauh ni loin a zavaiin inbel tur tihna a ni. Pathian ralthuam famkim chu eng nge ni ta ang? Paula hian Ephesi 6:14-18-ah a sawi nghal a: kawngah thutak, awmphaw atan felna, keah remna Chanchin Tha, rinna phaw, Chhandamna lukhum, Thlarau ngunhnam(Pathian Thu) leh tawngtaina te hi a ni.

 TKP Programme 

Chawnghei Tawngtai

February 5, 2023 (Pathianni)

A hmun           

• BCM Biak In, NSC

A hun                

• 5:30 pm

Hruaitu            

• Tv Zorempuia

TKP Inkhawm

February 6, 2023 (Thawhtanni)

Kumpuan Pual

A hmun           

• BCM Biak In, NSC

A hun                

• 6:30 pm

Hruaitu            

• Tv H. Lalthansanga

Bible chhiar & tawngtai

• Nl Saisangpuii Sailo

Report               

• Secretary

Thawhlawm khawntu

• Nl H. Dirawli

Special item 

• Nl Jessica Lalthlamuanpuii

Thuchah 

• Rbt R. Laldinpuia

TKP Fellowship

February 12, 2023 (Pathianni)

Sharing

A hmun  

• Kohhran Hall

A hun 

• Sunday School ban

Hruaitu 

• Nl Noelle Lalpekhlui

Bible chhiar & tawngtai

• Nl H. Lalhlimpuii

Report 

• Secretary

Thawhlawm khawntu

• Nl Lalnunmawii

 KNP Programme 

KNP INKHAWM

February 12, 2023 (Pathianni)

A hmun  

• BCM Biak In, NSC

A hun 

• Dar 6:45 am

Hruaitu 

• T. Lalrammawia

Tantu

• Eunice Laldintluangi

Hla Thlantu 

• Joshua Vanlalhriatrenga

Thawhlawm khawntu

• Jonas Lalthlamuana

Thawhlawm hlantu

• Baby H. Lalhmingliani

Special Item

• J. Lalhruaisangi te unau

Church Etiquette Inzirtirna

• Rbt F. Lalramchuana

 BKHP Programme 

BKHP Inkhawm

February 13, 2023(Thawhtanni)

A hmun  

• BCM Biak In, NSC

A hun 

• Dar 7:00 pm

Hruaitu 

• Pi Irene Lianthangpuii

Thuchah

• Pi Irene Lianthangpuii

Thawhlawm khawntu & hlantu

• Pi Lalrindiki

 BMP Programme 

BMP Programme

February 20, 2023(Thawhtanni)

A hmun  

• BCM Biak In, NSC

A hun 

• Dar 7:00 pm

Hruaitu 

• Pu Robinson N. Chungnunga

Thuchah

• Rbt Samuel J. Laltlanzaua

Thawhlawm 

• Rbt C. Vanlalzawma

Khuangpu 

• Rbt R. Lalrinzuala

 Quotes 

“Bible chhiar hi mahni inzirna zawnga mahni inzirna tha ber a ni.”
- Alfred Tennyson

“Bible chhiar leh zir ngai lo Kristian tha tak ka la hmu ngai lo.”
- DL Moody

Edited and published by R. Laldinpuia on behalf of Thalai Kristian Pawl New Secretariat Complex Unit, Aizawl, Mizoram